Monthly Archives: August 2005

   记得上次去睇广州队比赛係四年前高考完的果个暑假（唉，你话死唔死，到而家广州队仲喺中甲打滚，唉。。。），四年后嘅今日两条傻佬心血来潮，晒咗45个大洋去天河睇波（其中有五蚊係所谓的水果饮料，仲要唔俾带入场饮，死未？）。今场波结果同我以往睇广州队嘅结果一样，都係平局收场－－1比1。点解我咁黑仔嘎？次次去捧广州队嘅场，佢就係赢唔到。今日哩场比赛对广州队非常重要，如果赢咗的话，在拉大同第三名的差距嘅同时可以保持冲级嘅希望。而家乜都冇咯，悲观啲咁讲，又要喺中甲屈就多年。    有人话係天河体育场的风水唔好，只要将个主场放去天河广州队就唔掂嘎拉，建议翻翻去风水宝地越秀山。同样地，我都觉我自己脚头唔好，一去睇你嘅比赛你就表现唔好，如果真係咁嘅话，喺你升到级之前我都唔去睇你捧你场。。

早期考雅思，唔得闲上嚟。而家得闲上嚟搞搞震喇。 好多谢近排帮助过我的所有人，有你哋嘅支持我会继续努力嘎喇。。嘿嘿。。。。   BTW，今年不知不觉间中意咗阿仙奴啊，觉得云加好有眼光，入亲啲货都便靓正，唔似得其他果啲大club，下下都拿啲天文数字买人。佩服佩服。其中15号嘅费比加斯超中意，又后生，又好波，前途无量啊。虽然阿仙奴有啲似只门口狗－－内战内行，外站外行，不过我相信你喺欧联会得嘅（唔好衰过利物浦先得嘎。。）   今次讲住咁多先。